Тибқи нақшаи кории Ташкилоти ҷамъиятии “Хонаи ҷавонон” дар якҷоягӣ бо Вазорати фарҳанги Ҷумҳурии Тоҷикистон ва бо дастгирии Фонди байнидавлатии ҳамкориҳои гуманитарии давлатҳои ИДМ Форуми байналмилалии ҷавонон дар кори ихтиёриён (волонтёрон)-и ҳифз ва нигаҳдории ёдгориҳои таъриву фарҳангӣ дар вилояти Суғд баргузор гардид. Дар ҷараёни форум иштирокдорон аз Осорхонаи таърихии вилояти Суғди Муассисаи давлатии “Маҷмааи фарҳангию таърихии “Қалъаи Хуҷанд” дидан намуданд.
Ҷавонон бо толорҳои намоишии Осорхонаи таърихии вилояти Суғд шинос шуда, аз таъриху фарҳанги куҳани тоҷикон аз наздик огоҳӣ пайдо намуданд. Ба меҳмонон аз ҷониби роҳбаладони осорхона сайри илмии мавзӯӣ гузаронида шуд. Тамошобинон бо таассуроти нек сафари худро идома доданд.
Аслиниссо Ёдгорӣ
мудири шӯъбаи оммавӣ – фарҳангӣ ва робита бо ҷомеа