Тоҷикӣ Русӣ English
ТОҶИКӢ РУСӢ
Тоҷикӣ Русӣ English
/ 1
НАМОИШИ “ОЛАМИ ЭҶОДИ ҶАВОНОН”
Бахшида ба Рӯзи Ҷавонони Тоҷикистон дар Осорхонаи таърихии вилояти Суғд намоиши асарҳои мусаввирони ҷавон таҳти унвони “Олами эҷоди ҷавонон” оғоз гардид. Толор бо зиёда аз 80 адад асарҳои рассомони ҷавону умедбахш оро ёфта, аз мусаввара, гобилен, кашидадӯзӣ, нақш дар рӯи пӯст, ороиш бо мӯҳраҳо иборатанд. Дар намоиш бештар мусаввараҳои манзараҳои зебои диёр ба монанди “Омади баҳор” амали рассом Ҳабибова Маъсуда, “Кӯҳҳои Фон” бо қалами Абдуллоев Бунёд, “Бедоршавии табиат” – амали Ҷӯраева Мижгона, натюрморт, чеҳранигорӣ ба маърази тамошо гузошта шудаанд.
Дар чорабинӣ Салимбой Ҳасанов - профессори МДТ “Донишгоҳи давлатии Хуҷанд ба номи академик Бобоҷон Ғафуров”, Беҳрӯз Олимҷонов - намояндаи раёсати Кор бо ҷавонон ва варзиши вилояти Суғд, Ғафуров Абдувосид мудири бахши кор бо ҷавонон ва варзиши шаҳри Хуҷанд, аъзоёни Академияи мусаввирони Тоҷикистон, кормандони МД МФТ “Қалъаи Хуҷанд” иштирок доштанд.
Рассомони ҷавону фаъол Абдуллоев Бунёд, Муротов Шоҳрух, Юлдошева Дилфуза аз ҷониби мудири бахши кор бо ҷавонон ва варзиши шаҳри Хуҷанд Абдувосид Ғафуров бо Сипоснома сарфароз гардонида шуданд.
Намоиш тӯли як моҳ идома меёбад.