Рӯзи байналмиллалии осорхона

User Rating:  / 1

   Барои дарки амиқи гузаштаи ҳар миллат ба мавзеъҳои таърихиву фарҳангии он ҳамеша муроҷиат мешавад, то асолату ҳувияти як миллат баррасиву омӯхта шавад. Бешак дар ин мақом ҷойгоҳи мавзеъҳои таърихи мондагор аст. Ба ҳар кишвар сайёҳон ва кишваргардон ба ҳамин хотир ба дигар мамлакат сафар мекунанд. Аввалин ҷойҳои дидании онҳо зиёрати мазори бузургони як мамлакат бошад, ҷои дигари дидании онҳо ин осорхонаи таърихии ҳар шаҳр мебошад. Осорхона дар баробари он ки гузаштаи як мамлакатро ҳифзу нигаҳдор бошанд аз роҳи дигар бозгӯи ҳунару маҳорати як кишвар дар давраҳои гуногуни таърихӣ мебошанд.

Аз соли 1978 дар тамоми мамолики олам 18-уми май “Рӯзи Байналмиллалии осорхона” қайд карда мешавад. Осорхонаҳо ҳамчун таҳкимбахши ифтихори миллӣ барои рушду такомули фарҳанги миллӣ, гиромидошти осори таърихию фарҳангӣ, тарбияи маънавии аҳли ҷомеа рисолоти худро бошарафона ба амал татбиқ мекунад.

Аз ин лиҳоз, маъмурияти МД МФТ “Қалъаи Хуҷанд” ин рӯзро ба кулли кормандони осорхонаҳои шаҳру ноҳияҳои вилояти Суғд самимона муборакбод менамояд.

Иди касбиатон муборак ҳамкасбони азиз!!!

Бо эҳтиром маъмурияти МД МФТ “Қалъаи Хуҷанд”