Марҳамат ба маъракаи "Шабе дар осорхона"

User Rating:  / 1

  Муассисаи давлатии “Маҷмааи фарҳангию таърихии “Қалъаи Хуҷанд” тасмим гирифтааст, ки санаи 18 - май ба ифтихори Рӯзи байналмилалии осорхонаҳо маъракаи “Шабе дар осорхона” ташкил намояд.

  Дар ин иқдом чорабиниҳои гуногун аз қабили барномаи фарҳангӣ барои наврасон дар даромадгоҳи Осорхонаи таърихии вилояти Суғд,  аксияи хайриявӣ дар назди Осорхонаи бостоншиносӣ ва истеҳкомоти шаҳри Хуҷанд ба номи академик Н.Неъматов, “Шоми ҷавонӣ” дар Боғи фарҳангию фароғатии Камоли Хуҷандӣ ва маҳфили “Пайғоми маънӣ” дар чорбоғи Хона – музейи Камоли Хуҷандӣ баргузор мегардад. Ҳамчунин аз соати 16.00 то 22.00 боздид аз тамоми осорхонаҳои маҷмаа тариқи ройгон ба роҳ монда шудааст. 

  Аз ин лиҳоз, тамоми сокинон ва меҳмонони кишвари биҳиштосоямонро ба ин маракаи байналмилалӣ лутфан даъват менамоем.