Ҷиҳати татбиқи Қарори Маҷлиси Ҳайати Мушовараи Вазорати Фарҳанги Ҷумҳурии Тоҷикистон № 1/6-б аз 6 январи соли 2022
Дар бораи баргузор намудани Озмуни ҷумҳуриявии боғҳои фарҳангию фароғатӣ таҳти унвони “Гулзори маърифат” ва дар сатҳи хуб ба роҳ мондани корҳои ободиву гулзоркунӣ дар боғҳои истироҳатии вилояти Суғд аз ҷумла шаҳри Хуҷанд корҳои зиёд бо маром идома дорад. Дар баробари ин ҳама кӯшишу талошҳо имсол низ баҳри ободонии боғи Камоли Хуҷандӣ ва хусусан дар сатҳи баланд гузаронидани “Сайри гули лола” дар боғи мазкур зиёда аз 200 ҳазор гулҳои лолаи гуногуншакл шинонида шуда, инчунин, 70 ҳазор гулҳои мавсимӣ низ шинонида шудааст. Боғи фарҳангию фароғатии Камоли Хуҷандӣ барои сайру гашти шаҳрвандон бисёр мусоид буда, обу ҳавои тоза, зебогии табиат, хониши паррандагон, шилдироси шаршараҳо ва навозиши мусиқиҳои форам ба гӯш мерасад. Боғи фарҳангию фароғатии Камоли Хуҷандӣ табиати зебо дошта, баҳри истироҳату фароғати меҳмонон ҳамеша омода мебошад.
Баротова Монат
китобдори калони
МД МФТ "Қалъаи Хуҷанд"