Ҳамоиши ҷавонон

User Rating:  / 1

Санаи 03.12.2021 дар Осорхонаи миллии Тоҷикистон бо ибтикори кумитаи кор бо ҷавонон ва варзиши назди Ҳукумати Ҷумҳурии Тоҷикистон ба муносибати 30 солагии Истиқлолияти давлатии Ҷумҳурии Тоҷикистон Ҳамоиши ҷавонони соҳаи осорхонашиносӣ таҳти унвони «Нақши ҷавонон дар 30 соли соҳибистиқлолӣ: дастовард ва дурнамо» баргузор гардид.

Дар ҳамоиш роҳбарияту кормандони Осорхонаи миллии Тоҷикистон, намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Вазорати фарҳанги Ҷумҳурии Тоҷикистон, Иттифоқи ҷавонони Тоҷикистон, ҷавонони фаъоли осорхонаҳои Суғд, Хатлон, Душанбе, Кӯлоб, Ҳисор ва ноҳияи Данғара инчунин донишҷӯёни Донишгоҳи давлатии фарҳанг ва санати Тоҷикистон ба номи М.Турсунзода ва Донишгоҳи миллии Тоҷикистон, ки мутахассисони ояндаи ин соҳа мебошанд иштирок намуданд.

Дар оғози чорабинӣ аз ҷониби иштирокчиён Суруди миллӣ зинда сароида шуда, аз ҷониби ҷавонони соҳаи осорхонашиносӣ оид ба дастовардҳои осорхонаи худ маърӯзаҳо шунида шуд. Дар фарҷоми  чорабинӣ бошад аз ҷониби ҷавонони соҳаи осорхонашиносӣ муроҷиатнома низ қабул карда шуд.

Дар чорабинӣ кормандони Муассисаи давлатии «Маҷмааи фарҳангию таърихии Қалъаи Хуҷанд» иштирок намуда, аз ҷониби мудири шӯъбаи таърихи муассиса М.Мамадҷонова маърӯза таҳти унвони «Дастовардҳои ҷавонони осорхонаи таърихии вилояти Суғд» шунида шуд.

                                            М.Мамадҷонова мудири шуъбаи таърихи 

 МД “Маҷмааи фарҳангию 

таърихии “Қалъаи Хуҷанд”