Боздид аз маҷмаа

User Rating:  / 1

Шунавандагони Мактаби Муттаҳидаи техникии Ташкилоти ҷамъиятии мададгори мудофиаи шаҳри Хуҷанд ба номи генерал-майор Мамадов В.М. баҳри шиносоӣ аз таъриху фарҳанги пурғановати ниёгонамон аз Муассисаи давлатии “Маҷмааи фарҳангию таърихии “Қалъаи Хуҷанд” дидан намуданд.

Муҳассилин бо таърихи таъсисёбии осорхона ва толорҳои экспозитсионӣ шинос шуданд. Диққати тамошобинонро бештар бозёфтҳо аз Саразми бостон, китобу дастхатҳо ва нигораҳои нодир ҷалб намуда, ҳамагон ба саволҳои худ ҷавобҳои мушаххас гирифтанд.

Лозим ба ёдоварист, ки яке аз вазифаҳои асосии ММТ ТҶММ-и ш.Хуҷанд омода намудани ҷавонон барои хизмати Модар-Ватан дар сафи Қувваҳои Мусаллаҳи Ҷумҳурии Тоҷикистон ва дигар сохторҳои қудратии мамлакатамон мебошад,  аз ин лиҳоз шиносоии наздик аз таъриху фарҳанг ба манфиати кор аст.

                                                                  Аслиниссо Ёдгорӣ – мудири шӯъбаи оммавӣ-фарҳангӣ ва робита бо ҷомеа