Ҳамасола санаи 18-уми май Рӯзи байналмилалии осорхонаҳо ҷашн гирифта мешавад, ки зиёда аз 150 давлати дунё онро таҷлил мегиранд.
Бахшида ба ин рӯз дар осорхонаҳои Ҷумҳурии Тоҷикистон чорабинии анъанавии «Шабе дар Осорхона» баргузор мегардад. Муассисаи давлатии “Маҷмааи фарҳангию таърихии “Қалъаи Хуҷанд”, ки дорои Осорхонаи таърихии вилоятӣ, Осорхонаи бостоншиносӣ ва истеҳкомоти шаҳри Хуҷанд ба номи академик Н.Неъматов, Хона-музейи Камоли Хуҷандӣ мебошад, иқдом гирифт санаи 18-май аксияи “Шабе дар Осорхона”-ро ташкил намояд.
Аз соати 16:00 то 22:00 воридшавӣ ба осорхонаҳо ройгон буда, тамошобинон метавонанд аз толорҳо ва нигораҳои бебаҳои осорхонаҳо, ки таърихи халқи тоҷикро инъикос мекунанд, дидан намоянд.
Марҳамат ба осорхона!