Иди саиди Фитр муборак!

User Rating:  / 1

Ҳар сол мардуми мусулмон баъд аз адои яке аз фаризаҳои дини мубини ислом – рӯзаи моҳи шарифи Рамазон, фарорасии Иди саиди Фитрро бо болидарӯҳиву хушҳолии хосса ҷашн мегиранд.

Моҳи мубораки Рамазон ва Иди саиди Фитр аз ҷумлаи суннатҳои бисёр муқаддаси мардуми мусулмони мо буда, беҳтарин арзишҳои инсонӣ – сабру таҳаммул, некиву накӯкорӣ, дастгирии ҳамдигар, раҳму шафқат, бахшиши гуноҳ ва аъмоли хайру созандаро дар худ таҷассум кардаанд.

Ҷомеаи меҳнатии Муассисаи давлатии “Маҷмааи фарҳангию таърихии “Қалъаи Хуҷанд” тамоми мардуми Тоҷикистони азизро ба муносибати фаро расидани Иди саиди Фитр табрик намуда, ба хурду бузурги кишвари соҳибистиқлол бахту иқболи нек, хушҳоливу хушбахтӣ, рӯзгори осудаву пурсаодат ва ба Ватани маҳбубамон суботу оромӣ ва ваҳдати ҷовидонӣ орзу менамояд.

Иди саиди фитр муборак бошад, ҳамватанони азиз!