Ободкорию ободонӣ дар МД “Маҷмааи фарҳангию таърихии “Қалъаи Хуҷанд”

User Rating:  / 1

Баҳри сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон ва татбиқи барқияи Мақомоти иҷроияи ҳокимияти давлатии вилояти Суғд аз санаи 15 апрели соли 2021, №195-9/16 тф бо мақсади гузаронидани ҳашари умумимаҷмаавӣ дар Муассисаи давлатии “Маҷмааи фарҳангию таърихии “Қалъаи Хуҷанд” корҳои ободонӣ ба роҳ монда шуда, шанбегӣ гузаронида шуд.

Кулли кормандони маҷмаа сарҷамъона дар ҳашари умумӣ иштирок намуда нишастгоҳҳо, панҷараҳои иҳотавии ҳудуди маҷмаа, чароғакҳои равшанидиҳандаро тоза намуданд. Дар Осорхонаи таърихӣ ва Хона–музейи Камоли Хуҷандӣ ҳамаи чароғакҳои равшанидиҳанда барқарор  карда  шуда, дар ҳудуди “Боғи фарҳанги фароғатии Камоли Хуҷандӣ” 2000 адад гулғои мавсимӣ шинонида шудаанд ва алҳол ин иқдом идома дорад.

Роҳравҳо, майдончаҳои ҳамешасабз рӯбучин карда шуда, айвонҳои ҳудуди “Боғи фарҳангӣ – фароғатии ба номи Камоли Хуҷандӣ” тоза карда шуда, партовҷой ба тартиб дароварда шуданд. 

Дар асоси нақша-чорабиниҳо масъулони МД МФТ “Қалъаи Хуҷанд” барои тоза нигоҳ доштани ҳудуди маҷмаа корбарӣ намуда истодаанд.