Шиносоӣ аз рафти корҳои сохтмонӣ ва эҳёи Қалъаи Хуҷанд

User Rating:  / 1

Дар машварати ҷамъбастии Лоиҳаи “Дастгирии ёдгориҳои Шоҳроҳи абрешим” (Алмато, 26-28 июни соли 2019) 6 адад ёдгориҳои таърихию фарҳангии вилояти Суғд ба Феҳристи пешакии Мероси фарҳангии умумибашарии ЮНЕСКО номнавис гардида буд, ки яке аз онҳо Қалъаи Хуҷанд ба ҳисоб меравад.

Қалъаи Хуҷанд яке аз калонтарин қалъаҳои Осиёи Марказӣ ба ҳисоб рафта, ба ифтихори 30-солагии Истиқлолияти давлатии Ҷумҳурии Тоҷикистон корҳои азнавсозии Қалъаи Хуҷанд ва сохтмони иншооти нав дар ҳудуди Маҷмааи таърихию фарҳангии “Қалъаи Хуҷанд” босуръат идома ёфта истодааст. Тибқи лоиҳаи тасдиқгардида дар ҳудуди маҷмаа иншооти нав бунёд гардида, нишонаҳои таърихии қалъаи қадима барқарор карда мешавад.

Рӯзи гузашта намояндагони кумитаи маҳаллаи Чорчароғ бо роҳбарии яке аз собиқадори меҳнат Икром Маҳмудов аз рафти корҳои сохтмонӣ ва эҳёи Қалъаи Хуҷанд аз наздик шинос гардиданд. М. Эшонов – роҳбари Лоиҳа ба иштирокдорон рафти корҳои сохтмониву созандагӣ ва бунёдкории Қалъаи Хуҷандро муаррифӣ кард. Ҳамчунин собиқадорон бо муовини Раиси вилояти Суғд А. Яъқубӣ мулоқот намуданд.