Дӯстии ҷавонони ҷаҳон поянда бод!

User Rating:  / 1

Аз санаи 17 то 19-уми марти соли равон дар вилояти Суғд бахшида ба Иди байналмилалии Наврӯз ва 20-солагии Созмони Ҳамкориҳои Шанхай сеюмин Фестивали фарҳангии ҷавонони хориҷӣ таҳти унвони “Дӯстии ҷавонони ҷаҳон поянда бод!” доир гардид.

Иштирокдорони чорабинӣ аз маконҳои таърихиву фарҳангии шаҳру навоҳии вилоят, аз ҷумла аз МД “Маҷмааи фарҳангию таърихии “Қалъаи Хуҷанд” боздид ба амал оварданд. Меҳмонон аз Боғи фарҳангӣ-фароғатии Камоли Хуҷандӣ, ки имрӯзҳо ба як макони зебову хушманзара табдил гардидааст, Мақбараи намодии Камоли Хуҷандӣ дидан намуда, ба зери Пайкараи Камоли Хуҷандӣ гулчамбар гузоштанд.

Бояд тазаккур дод, ки ҳадаф аз баргузории фестивали мазкур мустаҳкам намудани дӯстии ҷавонони ҷаҳон, ҳамгироиву ҳамдигарфаҳмӣ, муаррифии фарҳангҳои ҳамдигар ва тақвият додани ҳамкориву дастгирии ҷавонони олам мебошад.