Бозёфти кӯза

User Rating:  / 1

Ба ҳукми анъана даромадаст, ки ҳамасола аз ҷониби шахсони дӯстдори таърих ва миллати хеш  баҳри ғанигардонии маъхази осорхона ашёҳои аҳамияти таърихӣ-фарҳангӣ дошта ройгон пешниҳод менамоянд. Дар қатори чунин шахсон роҳбарияти ҶДММ “Евростройсервис” ҳастанд, ки ба Осорхонаи таърихии вилояти Суғд кӯзаи гилин ҳадя намудаанд. Кӯзаи мазкур ҳангоми бурдани корҳои сохтмонӣ дар шаҳри Хуҷанд хиёбони Раҳмон Набиев, ки беморхонаи вилоятии шараёни дил бунёд гардида истодааст, аз чуқурии 2,5м дарёфт гардидааст. Кӯза аҳамияти таърихӣ дошта мутобиқи тадқиқоти бостоншинос Раҳимов Н.Т. – доктори илмҳои таърих, профессор он ба асри XVII тааллуқ дошта, бозкунандаи саҳифаи таърихи халқи тоҷик мебошад.

 Хуб мешуд, сафи чунин шахсони ватандӯсту саховатпеша зиёдтар мешуданд. Зеро,  ки  маҳз осорхона  муаррифгари таъриху фарҳангӣ ҳар як миллату халқият ба шумор меравад.