Санаи 29.04.2020 ҷаласаи навбатии комиссияи харидории назди фонди Осорхонаи таърихии вилояти Суғд баргузор гардид. Аз ҷониби кормандони илмии шӯъбаҳои осорхона тибқи нақшаи корӣ оиди ҷамъоварии ашёҳои таърихӣ-фарҳангӣ аз шаҳрвандон бо мақсади ғанигардонии коллексияи махзани (фонд) осорхона 16 -адад ашёҳои таърихӣ-фарҳангӣ ва китобҳои нодир харидорӣ карда шудданд.
Ашёҳои харидорӣ карда шуда, аз қабили маснуоти мисгарӣ 3-адад, намунаи маснуоти читгарӣ 1-адад, ороишоти занона каҷҷак 1-адад, ҳовани фулузӣ 1-адад камзӯлчаи занона 1-адад, сиккаҳои мисин 5-адад, китобҳои чопи сангӣ ва дастхат 4-адад иборатанд.
Ашёҳои мазкур аҳамияти таърихӣ-фарҳангӣ дошта, ба давраи қадим, асрҳои миёна, асрҳои XIX - ХХ мансуб мебошанд ва барои ғанигардонии коллексияи соҳавии махзани осорхона, баргузории намоишҳои осорхонавӣ ва сайёр судманданд.