САЙРИ ГУЛИ ЛОЛА

User Rating:  / 1

Гули лола таҷассумгари зебоӣ ва нишон аз чеҳраи сурхи миллати азизи мо мебошад. Бинобар ин, соли дувум аст, ки дар маркази вилоят шаҳри Хуҷанд фестивали «Сайри гули лола» ва озмуни вилоятии «Гулҳо» баргузор мегардад. Соли гузашта бо мақсади дар сатҳи баланд доир намудани фестивали «Сайри гули лола», озмуни вилоятии «Гулҳо» ва истиқболи шоистаи меҳмони олиқадр - Пешвои муаззами миллат муҳтарам Эмомалӣ Раҳмон макони баргузории чорабинӣ – Боғи фарҳангӣ-фароғатии ба номи Камоли Хуҷандӣ ба як лолазори бузург табдил ёфта буд.

Имсол низ ба пешвози Наврӯзи хуҷастапай дар Муассисаи давлатии “Маҷмааи фарҳангию таърихии “Қалъаи Хуҷанд” монанди соли гузашта ба миқдори 300 ҳазор гули лола шинонида шуд. Алҳол Маҷмаа ба боғи биҳиштосое табдил ёфтааст. Мардуми шарафманди вилоят ҳамарӯза ба дидани боғ ва гулҳои рангоранги лола ташриф оварда истодаанд. Кормандони Маҷмаа ин анъанаи волоро ҳамин тавр солҳо идома хоҳанд дод.

Бихандад лола дар саҳро ба сони чеҳраи Лайло,

Бигиряд абр дар гардун ба сони дидаи Маҷнун.