Ташрифи донишҷӯён

User Rating:  / 1

Осорхонаҳо ҳамчун муассисаҳои илмӣ- тадқиқотӣ ва илмӣ- маърифатӣ дар толорҳои намоишии худ оид ба соҳаҳои мухталифи таъриху фарҳанг маълумот  пешниҳод намуда, дар тарбияи ватандӯстӣ, ҳисси хештаншиносӣ, эҳтиром ба мероси ниёгон саҳми арзанда мегузорад.

Тибқи нақша- чорабинӣ дар соли 2019, ки «Соли рушди деҳот, сайёҳӣ ва ҳунарҳои мардуми» элон гардидааст, муассисаи давлатии «Маҷмааи фарҳангию таърихии «Қалъаи Хуҷанд» омода аст, бо мақсади ташаккулдодани ҳисси ватандӯстӣ ва ифтихори миллии муаҳассилини муассисаҳои таълимии вилоят, васеъ намудани ҷаҳонбинии толибилмон, муаррифии мавзеъҳои таърихию фарҳангии вилояти Суғдро ба роҳ монда, барои ташкили сайри илмӣ, дарсҳои кушод ва дарс-экскурсия дар толорҳои намоишии осорхонаҳо имконият фароҳам овардааст.

 Бо мақсади иҷрои ин барнома дар моҳи декабр дониҷӯёни Донишгоҳҳои вилоят аз Осорхонаҳои муассисаи давлатӣ дидан ба амал оварда истодаанд. Ба ин иқдоми нек донишҷӯёни факултаи таърих ва ҳуқуқи ДДХ намуна ҳастанд.

Дар назар аст, ки донишҷӯёни дигар Донишгоҳҳо низ рӯзҳои наздик мувофиқи шароити омӯзиш аз Осорхонаҳои муассиса дидан ба амал меоваранд.