Эҳтиром ба фарҳанги миллӣ

User Rating:  / 1

          Тибқи ҷадвали тасдиқгардидаи Фестивал-озмуни вилоятии ҳунарҳои мардумӣ, ки дар Муассисаи давлатии “Маҷмааи фарҳангию таърихии “Қалъаи Хуҷанд” баргузор мегардад, ин навбат ноҳияҳои Айнӣ ва Деваштич иштирок намуданд.

       Дар Фестивал-озмун маҳсули ҳунарҳои мардумӣ аз ноҳияҳои Айнӣ ва Деваштич ба намоиш гузошта шуд. Ба монанди: бофандагӣ, дӯзандагӣ, армуғонсозӣ, кулолгарӣ, оҳангарӣ, чӯбкорӣ, ресандагӣ, чармгарӣ, рассомӣ ва намуди хӯрокҳои миллӣ.

         Бояд гуфт, ки яке аз вазифаҳои асосии Фестивал-озмун арҷгузорӣ ба мероси ниёгон, арзишҳои умумибашарӣ, ифтихор аз фарҳанги миллӣ, тарбияи ҳисси зебоипарастӣ ба шумор меравад, ки иҷрои бомуваффақияти он тавассути:

-таъмини иштироки фаъолона ва ҷалби теъдоди ҳарчӣ бештари ҳунармандон;

-муаррифии ҳунарҳои беҳтарини мардумӣ;

-дастгирӣ ва баланд бардоштани сатҳи касбии ҳунармандон ва такомули нерӯи эҷодии онҳо;

-муаррифии намунаи барҷастаи ҳунарҳои мардумӣ ва ривоҷу равнақи минбаъдаи ин соҳаи ҳаётан муҳими фарҳангӣ;

-афзун кардани таваҷҷуҳи мардум, хусусан ҷавонон ба санъати дастӣ;

-дастгирии занони ҳунарманд;

-ҳифз ва рушди анъанаҳои хоси ҳунарҳои мардумӣ ва тарғиби онҳо;

-дарёфти ҳунармандони боистеъдод;

-дастгирии ташаббусҳои эҷодии онҳо;

-тарбияи насли наврас дар руҳияи эҳтиром ба фарҳанги миллӣ;

-дарёфту муаррифии чеҳраҳои наву ҷавони соҳаи фарҳанг;

-эҳё ва намоиши хелҳои гуногуни таомҳои миллии қадима ва маҳсулоти ордӣ мебошад.

         Барномаи фарҳангии омоданамудаи ноҳияҳои Айнӣ ва Деваштич хеле ҷолибу хотирмон буд ва писанди сокинону меҳмонони Хуҷандшаҳр гардид.