Сафири Олмон дар Қалъаи Хуҷанд

User Rating:  / 1

Сафири Фавқулода ва Мухтори Ҷумҳурии Федеративии Олмон ҷаноби Найтхарт Хёфер - Виссинг дар доираи сафари худ ба вилояти Суғд аз Муассисаи давлатии “Маҷмааи фарҳангию таърихии “Қалъаи Хуҷанд” низ дидан намуд. Ҳангоми боздид аз Осорхонаи таърихии вилояти Суғд бо таъриху фарҳанги бои тоҷикон ошно гардида, дар китоби фикру мулоҳизот соядаст гузошт.

Манбаъҳои хабарӣ иттилоъ медиҳанд, ки Ҳукумати Ҷумҳурии Федеративии Олмон барои татбиқи як қатор лоиҳаҳои иҷтимоӣ 33,5 млн евро ҷудо хоҳад намуд.

Мувофиқи иттилои сомонаҳо ҷаноби Найтхарт Хёфер - Виссинг гуфтааст, ки “табиати зебо ва манзараҳои нотакрори Тоҷикистон метавонад таваҷҷӯҳи сайёҳони олмониро ба худ ҷалб намояд. Барои ин ташкили чорабиниҳои сайёҳӣ дар ҳавзаи Роҳи бузурги Абрешим ба манфиати кор хоҳад буд".

Пештар хабар дода шуд, ки гардишгарони амрикоӣ ва урупоӣ бо чор қатора тариқи “Роҳи Абрешим" ба Тоҷикистон хоҳанд омад.