Бозёфти нодир дар намоишгоҳи осорхона

User Rating:  / 1

Ба наздикӣ Осорхонаи таърихии вилояти Суғд соҳиби бозёфти нодир-ҳайкалчаи сафолӣ (терракота) гардид. Ҳайкалча аз ҷониби Оқил Бердиев, донишҷӯи ДДХ ба номи академик Б.Ғафуров аз теппаи назди деҳаи Новичӯмоқи ноҳияи Панҷакент тасодуфан дарёфт намуда, ба осорхона супорид. Ҳайкалча аз гил бо услуби қолабзанӣ сохта, дар оташ пухта шудааст. Дар он чеҳраи марди буддоӣ, худоӣ тасвир ёфтааст. Баландии он 6,5см, бараш 3см мебошад. Қисмати ҳайкалчаи сафолӣ аз миён поёнаш шикаста мебошад. Он ба давраи асримиёнагии барвақти Панҷакенти асрҳои V-VIII тааллуқ дорад.

Баъд аз омӯзиш ва тартиб додани ҳуҷҷатҳои илмӣ ҳайкалчаи сафолӣ ба намоишгоҳи (экспозитсия) “Панҷакенти асрҳои миёна” ба маърази тамошо гузошта шуд.