Дар доираи сафари омӯзишии ҳайати олимону мутахассисони Институти МЕРИ ва Бунёди Ҳиндустон ва Осиёи Марказӣ аз як қатор мавзеъҳои таърихию фарҳангии шаҳри Хуҷанд боздид ба амал оварданд.

Меҳмонон аз Қаълаи таърихии Хуҷанди Муассисаи давлатии “Маҷмааи фарҳангию таърихии “Қалъаи Хуҷанд”, ки яке аз ёдгориҳои муҳими таърихию фарҳангии шаҳри Хуҷанд ба шумор меравад, боздид намуданд. Роҳбалади муассисаи мазкур Алишери Меҳринисо ҳамроҳӣ намуда ба онҳо оид ба таърихи қалъа, мавқеи он дар ҳаёти сиёсиву иҷтимоӣ ва фарҳангии шаҳри Хуҷанд, инчунин бо муҷассамаҳои олимону шоирон, ашёву нигораҳои нодир дар толорҳои намоишӣ маҳфузбуда маълумоти муфассал пешниҳод намуд.

Меҳмонон бо таваҷҷуҳи хос аз толорҳои намоишии қалъа дидан намуда, бо намунаҳои гуногуни мероси ниёгон шинос шуданд. Дар идомаи боздид, ҳайати меҳмонон дар китоби мулоҳизавӣ “Меҳмонони фахрӣ”-и қалъаи таърихӣ соядаст гузошта, таассуроти худро аз боздид баён намуданд.

Дар фарҷоми сафари боздид меҳмонон барои пазироии самимӣ ва фароҳам овардани шароити муносиб ҷиҳати шиносоӣ ба мавзеъҳои таърихию фарҳангӣ изҳори сипос намуданд.