Рӯзи забони давлатӣ муборак!

User Rating:  / 1

Аҳли ҷомеаи меҳнатии Муассисаи давлатии “Маҷмааи фарҳангию таърихии “Қалъаи Хуҷанд”, тамоми мардуми шарифи кишвари Тоҷикистонро ба муносибати Рӯзи забони давлатӣ самимона табрику муборакбод менамояд.

Забони тоҷикӣ ҳамчун ҷузъи ҷудонашавандаи ҳастии миллат, бозгӯкунандаи таъриху тамаддуни пурғановати халқи тоҷик мебошад. Аҷр гузоштан ба забон – аҷргузорӣ ба миллат, давлат ва хештани худ аст.

Мо миллати тоҷик ифтихор дорем, ки чунин забони ширину шоирона , дорои таърихи чандинҳазорсола ва саршор аз ганҷинаи маънавии адабӣ дорем.

Бигзор ин рӯзи фархунда ба таҳкими худшиносоии миллӣ, гиромидошти арзишҳои фарҳангиву таърихӣ ва рушди забони модарӣ такони нав бахшад.

Бо таманнои саломативу орзуҳои нек,
Рӯзи забони тоҷикӣ муборак бод!