“Каҷкӯли Салимӣ” ва таърихи мутақаддимин ва мутаахирин

User Rating:  / 0

 Ҷамъ намудани китобҳои нодир барои ҳар миллате, ки таърихи бою куҳан дорад воситаи хубест барои муроҷиати дубора ба таърих, маданият ва фарҳанги ниёгон, ки хушбахтона имрӯз яке аз рукнҳо ва пояҳои асосии сиёсати давлатдории моро ташкил медиҳад. Аммо баробари ҷамъоварӣ, масъалаи омӯзиши нусхаҳои хаттие, ки манбаи асосии шинохти масъалаҳои фарҳангӣ, таърихӣ ва адабии мардуми мост, нисбатан корҳои ҷиддиро тақозо мекунад. Сарчашмаи асосии тоҷикон дар дарозии мавҷудияти ин миллати куҳаннасли азияткашида ба сабаби ҷангу юришҳои мутафовит ва марзҳои гуногунпарешон даст ба дасту сина ба сина аз насл ба насл то имрӯз ҳифз гардида, ба қисмати ниҳоят муҳими он мавриди омӯзиш ҳам қарор гирифтааст. Яке аз ин китоби чопи сангие,ки дар фонди Осорхона қарор дорад “Каҷкӯли Салимӣ” мебошад. Муаллифаш Муҳаммадсалим ибни Муҳаммад дар асри подшоҳи Тӯрон. Саид Амир Муҳаммад Олим Баҳодурхон ибни Саид Амир Абдулаҳад ибни Саид Амир Музаффар Баҳодур Султон дар таърихи 1330 (ҳиҷрӣ) таълиф шудааст. Китоб аз 40 боб иборат аст ва саросар аз ҳикоётҳои ибратбахш ва ривоётҳои панду ахлоқӣ аз бузургони гузашта дар ҷодаи илму ҳикмат ва ахлоқу одоби ҳамида мисолҳои ҷолибе ҷамъ оварда шудааст. Китоб аз 334 саҳифа иборат буда, зиёда аз 150 саҳифаи ҷамъбастии он танҳо зикри подшоҳони гузашта ва тарзи давлатдорӣ ва салтанати онҳо зикр гардидааст.

Мавҷуда Бойматова - корманди илмии 
шуъбаи дастхатҳо ва  табъу нашри
МД МФТ “Қалъаи Хуҷанд”