User Rating: 
/ 1
- Details
-
02.04.2025 10:58
-
Азназаргузаронӣ: 17
(Ба ифтихори 80-солагии Иди Ғалаба дар ҶБВ)
Имрӯзҳо мардуми сарбаланди тоҷик, дар қатори дигар миллатҳои собиқ шуравӣ, арафаи ҷашни 80-солагии иди Ғалабаи Ҷанги Бузурги Ватании солҳои 1941-1945 , ки 9-май баргузор мегардад, ҷашн хоҳад гирифт. Зикр намуд, ки Ғалабаи иттиҳоди халқи шӯравӣ дар ҳамбастагӣ бар фашизм дар саҳифаи таърих чун воқеъаи бузург бо ҳарфҳои заррин сабт гардидааст.
Чӣ тавре ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мухтарам Эмомалӣ Раҳмон таъкид намудаанд, ки “Дар таърихи тӯлонии ҳаёти башарият рӯйдодҳое ба вуқӯъ пайвастанд, ки бузургӣ ва шаҳомати онҳо бо гузашти замон боз ҳам бештар мегардад. Рӯзи Ғалаба бар фашизм аз ҷумлаи ҳамин рӯйдоди фаромӯшнопазир аст”. Гуфта метавон, ки қатори ҷанговаронии ҷасур Домулло Азизов бо рутбаи сержанти дар набардҳои ҶБВ корнамоиҳои беасил нишон дода, соли 1943 сазовори унвони Қаҳрамони Иттифоқи Советӣ гардидааст. Ӯ соли 1913 дар деҳаи Қистақӯз уезди Хуҷанд таваллуд шудааст. Аъзои ВЛКС аз соли 1930 буда, соли 1935 дар ҷамоати Қистақӯзи ноҳияи Бобоҷон Гафуров ба ҳайси муаллими мактаб, баъд котиби ташкилоти комсомолӣ шуда кор кардааст. Соли 1942 ба сафи Армияи сурх даъват шуда, дар полки тирандозии собиқ дивизияи 69-ум ба сифати командири гуруҳи тирандозии пулемётчиён хизмат намудааст.
Ёдовар шуд, ки санаи 15-уми октябри соли 1943 ҳангоми убури аз байни дарё ҷанговари тоҷик Домулло Азизов аввалин шуда, худро ба соҳили дигари дарё гирифта, бо граната дастаи пулемётчиёни душманро нобуд ва ҳуҷуми се гурӯҳи калони душманро зада қафо гардонид, ки пешравии қисмҳои дигари ҳарбии советиро таъмин намуд. Ба ин хотир барои мардонагӣ ва корнамоӣ ба ӯ бо фармони Президиуми Шӯрои Олии СССР номи Қаҳрамони Иттифоқи Советӣ дода шуд.
Ҳоло бошад, дар зодгоҳаш ноҳияи Хуҷанди вилояти Суғд мактаби миёна ва колхоз ба номи Домулло Азизов номгузорӣ ва дар он мактаб соли 1977 ба хотири қаҳрамони тоҷик Домулло Азизов, осорхонаи таърихии “Шараф” таъсис дода шудааст.
Зикр намуд, ки дар маркази ҷамоати Хистеварзи ноҳияи Бобоҷон Гафуров ва дар микроноҳияи 32-уми шаҳри Хуҷанд, барои поси хотир нимпайкараи қаҳрамони тоҷик Домулло Азизов гузошта шудааст.
Бойматова М.М- корманди илмии шуъбаи
дастхатҳо ва табъу нашри МД МФТ “Қалъаи Хуҷанд”
Шарҳ додан
