Баргузории шанбегӣ

User Rating:  / 1

Санаи 15 марти соли 2025  бо мақсади дар сатҳи баланди тозагиву ободонӣ пешвоз гирифтани ҷашни  Наврӯзи байналмилалӣ ,  дар Муассисаи давлатии МФТ “Қалъаи Хуҷанд” , бо иштироки аҳли кормандону фаъолон дастаҷамъона  ҳашари шанбегӣ баргузор гардид.

Кормандони муассисаи мазкур сарҷамъона ба ҳашари шанбегӣ баромада аз саҳнаи мавзеъи Боғи фароғатию фарҳангии ба номи Камоли Хуҷандӣ оғоз  намуданд.

Бояд зикр намуд , ки барои баланд  бардоштани маърифати муҳити зист бо тозаву озода, роҳравҳои гулгаштҳо,  гирду атрофи даромадгоҳ, нармкунии зери дарахтон, ба шаклдарории дарахтон, рангубор намудани тахтакурсиҳо ва шинонидани гулу гулбуттаҳои рангоранги мавсимӣ ва дигар корҳои ободониро бо як илҳоми тоза ба анҷом расониданд.

 Дар идомаи шанбегӣ мутахассисони соҳаи техникӣ аз фурсати қулай истифода бурда бо автомашинаи махсуси болобардор ивази лампаҳои равшанидиҳандаи роҳравҳо, тоза намудани буттаҳои худсаронаи часпидаи сутунҳои барқӣ ва инчунин рангубор намудани фаввораҳо, қуббаҳои панҷараҳои иҳотавӣ, тоза намудани панҷараҳои даромадгоҳ ва ба кор даровардани обпошакҳоро ба иҷро расониданд.

Ёдовар бояд шуд, ки ҳар як сокину меҳмононро зарур аст, ки дар ҳифзу тоза нигоҳ доштани муҳити зист, мавзеъҳои гулу гулбуттаҳо ва дарахтони ҳамешасабзи  боғи истироҳатӣ табиати зеборо ба худ касб намудаасту барои саломатии истироҳаткунандагон бисёр муфид  мебошанд, саҳмгузор бошанд.

Қайд намудан ба маврид аст, ки роҳраву гулгаштҳои даромадгоҳи қалъаи таърихӣ ва боғи фароғатӣ ҳусни тоза пайдо намуда истодааст. Албатта,  бо кӯшишу талошҳои роҳбарияти муассисаи мазкур ва  масъулини соҳа доимо тозаву озода нигоҳ  дошта мешаванд , ки дар ин макони таърихию фарҳангӣ таваҷҷуҳи меҳмонон ва сайёҳони дохиливу хориҷӣ рӯз ба рӯз  бештар гардида истодааст.

Ба ин хотир , иқдоми нек  гирифта шуд, ки чунин корҳои ободониву созандагӣ, минбаъд  низ рӯзҳои шанбеи ҳар ҳафта дар муассисаи мазкур аз ҷониби аҳли кормандон бомаром идома хоҳад дод.

Валӣ Набизод- котиби иттилооти
МД МФТ “Қалъаи Хуҷанд”