Маҳфили рӯзғордорӣ

User Rating:  / 1

Рӯзи шаҳри Хуҷандро оламиён “Тирози ҷаҳон мехонанду ин шаҳр чун шаҳри некӯкорону некдилон, соҳибназарону соҳибдилон, ҳунармандону суханварон маъруфият пайдо кардааст ва дар радифи шаҳру навоҳиҳои Тоҷикистони азизи мо даврони соҳибистиқлолиро аз сар мегузаронад”. Шаҳри Хуҷанд яке аз шаҳрҳои қадимаи тоҷикон ва дар айни замон аз ҷумлаи марказҳои саноатӣ мебошад, ки дар рушди бахшҳои мухталифи иқтисодиву иҷтимоӣ ва фарҳангиву маънавии мамлакат нақши муассир дорад. Бо дастгирии сарвари фарҳангпарвари миллат Хуҷанд ва мардуми он дар баробари қадам задан бо замони муосир доираҳои анъанавӣ ва маънавии хешро ҳифз менамоянд ва онро ба ояндагон яъне ҷавонон мерос мегузоранд.

Шӯъбаи кор бо занон  ва оилаи Мақомоти иҷроияи ҳокимияти давлатии шаҳри Хуҷанд,  бахшида ба Рӯзи шаҳри Хуҷанд бо мақсади баланд бардоштани маърифати оиладорӣ, омодасозии ҷавондухтарон ба рӯзғордорӣ ва бо хотири арҷгузорӣ ба расму оини миллӣ, мероси ниёгон ва анъанаҳои миллии мардуми тоҷик маҳфили “Рӯзғордорӣ”-ро бо иштироки занони фаъоли шаҳр дар ҳавлии “Адрасбоф”-и МД МФТ “Қалъаи Хуҷанд”  баргузор намуданд, ки дар ин чорабинӣ Қаҳорӣ Муяссара - муовини раиси шаҳр, Кенҷазода Манучеҳра – мудири шӯъбаи кор бо занон ва оила, Шарипова Зайнура сармутахассиси шӯъбаи кор бо занон ва оила, шаҳрванди фахрии шаҳри Хуҷанд Раҳимова Б, Ҳасанова Ш, Исоева С,  Каромат Ҳоҷиева ва дигар занони фаъоли шаҳри Хуҷанд

иштирок намуданд.

Сайфиева Шарифа - мудири шӯъбаи оммавӣ фарҳангӣ ва робита бо ҷомеа