Чорабинӣ дар “Хона-музейи Камоли Хуҷандӣ”

User Rating:  / 1

Имрӯз тибқи нақшаи чорабинии шӯъбаи кор бо занон ва оилаи Мақомоти иҷроияи ҳокимияти маҳалии шаҳри Хуҷанд дар Хона-музейи Камоли Хуҷандӣ чорабинӣ бахшида ба ҷашнгирии Истиқлолияти Ҷумҳурии Тоҷикистон таҳти унвони “Рӯзғордорӣ байни фаъолзанону духтарони болаёқат” бо ҷалби духтарону бонувони касбу кори гуногун маҳфили рӯзғордорӣ  баргузор гардид.

Дар чорабинӣ муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Нуруллозода Фирӯза, муовини раиси шаҳри Хуҷанд Муяссара Қаҳҳорӣ, шӯъбаи кор бо занон ва оилаи мақомоти иҷрояи ҳокимияти маҳалии шаҳри Хуҷанд Кенҷазода Муяссара, намояндагони ҲХДТ вилояти Суғд ва шаҳри Хуҷанд ва шаҳрвандони фахрии шаҳри Хуҷанд М.Муинова, Ш.Ҳасанова ва М.Бузурукова  иштирок доштанд.

Дар фарҷоми чорабинӣ ба иштирокичиёни фаъол ифтихорномаю сипоснома аз тарафи шӯъбаи кор бо занони мақомоти иҷроияи ҳокимияти маҳалии шаҳри Хуҷанд тақдим карда шуд.

Ҳадаф аз баргузории чорабинӣ духтаракони ҷавонро бо анъанаҳои рӯзғордориву оиладорӣ шинос намуда онҳоро бо фарҳанги хештаншиносиву худогоҳӣ ва ба роҳи рост ҳидоят намудани насли наврас ҳидоят намудан аст.

Тошматова Тахмина – роҳбалади Хона-музейи Камоли Хуҷандӣ