Тармими мақбараи Шайх Камол

User Rating:  / 1

Дар асл осорхона як макони муқаддас мебошад, ки аз таърихӣ гузаштагон гувоҳӣ медиҳад. Гуфтан ба маврид аст, ки ҳар як нигораҳою маводҳои ин макон баёнгари таърихи тамаддун ва санъати волои ҳунари аҷдодон маҳсуб меёбад. Дар рӯзгори хеш нигоҳ доштани махзани ёдгориҳои пурарзиши ниёгон вазифаи пурмаҳсули мутахассисони осорхона  мебошад.

Дар ин раванд, аксари мақбараҳои ёдгориҳои таърихӣ- меъморӣ ва сарвати миллии ниёгон ба шумор рафта, зери ҳифзи давлат қарор дорад. Бо мақсади оқилона истифода бурдан, роҳ надодан ба вайроншавӣ ба талаботи ҳифзи ёдгориҳои таърихӣ ҳатман риоя намуд. Ба ин хотир, барои ҳифз намудани мероси таърихию фарҳангӣ дар шафати Боғи фарҳангию фароғатии ба номи Камоли Хуҷандии Муассисаи давлатии “Маҷмааи фарҳангию таърихии “Қалъаи Хуҷанд”, мақбараи рамзии Хоҷа Камоли Хуҷандӣ қомат афрохтааст, ки ба зиёратгоҳ табдил ёфтааст. Барои нигоҳ доштани макони муқаддас, ки аҳаммияти илмию фарҳангӣ дорад, аз ҷониби мутахассисони соҳаи сохтмон бо техникаи махсуси автомашинаи болобардор аз ҳар гуна чангу ғубор тармиму тоза карда шуд.

Қобили зикр аст, ки  ҳифз намудан  ва  нигоҳ доштани макони таърихӣ вазифаи муқаддаси ҳар шахси масъули осорхона ба шумор меравад, ки ҷиҳати ҷалби бештари меҳмонону сайёҳони дохиливу хориҷӣ  фароҳам меоварад, бояд ҳамеша тозаву озода нигоҳ дошт.

Ҳоҷӣ Валӣ Набизод - маркази иттилоотии МД МФТ “Қалъаи Хуҷанд”