Маъракаи “Шабе дар Осорхона”

User Rating:  / 1

Муассисаи давлатии “Маҷмааи фарҳангию таърихии “Қалъаи Хуҷанд” тасмим гирифтааст, ки санаи 18-уми май ба ифтихори Рӯзи байналмиллалии осорхонаҳо маъракаи “Шабе дар Осорхона” баргузор намояд.

Дар ин иқдом якчанд чорабиниҳо аз қабили барномаи фарҳангӣ барои наврасон дар даромадгоҳи осорхона, кушодашавии нуқтаи мутолеаи китоб дар ҳудуди Боғи фарҳангию фароғатии Камоли Хуҷандӣ, ҳамчун беҳтарин ташаббус пешбинӣ шудааст. Ҳамчунин, аз соати 16:00 то 22:00 боздид намудан аз тамоми осорхонаҳои маҷмаа – Осорхонаи таърихии вилояти Суғд, Осорхонаи бостоншиносӣ ва истеҳкомоти шаҳри Хуҷанд ба номи академик Н.Неъматов ва Хона-музейи Камоли Хуҷандӣ ба тариқи ройгон ба роҳ монда шудааст.

Аз ин лиҳоз, тамоми сокинон ва меҳмонони кишвари азизамонро ба ин маърака лутфан даъват менамоем.