Биё, равем-бихӯрем

User Rating:  / 1

Шаҳри Хуҷанди бостонӣ бо манзараи зебову дилписанд,ки дар ду канори дарёи Сайҳун ҷойгир шудаасту куҳи Мевағул ба шаҳомати он шукуҳи дигар ато мекунад, ки басо рамзист.Бале, Хуҷандшаҳр таърихи бисёрсола дорад, мероси илмиву адабӣ ва фарҳангии мояи ифтихори халқи тоҷик мебошад. Бешак, гузаштагони ниёгон Хуҷандро  “Тирози ҷаҳон” ё “Арӯси ҷаҳон” нагуфтаанд, ки бо табиати зебо, меваҳои шаккарин, таомҳои лазизаш ва мардуми бофарҳангу наҷибаш вирди забон гаштааст.

      Ба хотири аз наздик шинос шудан бо фарҳангу тамаддуни халқи тоҷик, сафари расмии гуруҳи эҷодии телевизони “НТВ”-и Федератсияи Русия бо сарварии барандаи телевизон Федерико Арналди  барои таҳияи барномаи “ Биё, равем бихӯрем” (Поедем, поедим)  ба вилояти Суғд, шаҳри Хуҷанд, санаҳои 26 - 28 апрели соли 2023 ташриф фармуданд.

    Бояд гуфт, ки санаи 27 апрели соли равон аз Муассисаи давлатии”Маҷмааи фарҳангию таърихии “Қалъаи Хуҷанд” шиносоӣ пайдо намуданд. Ёдовар шуд, ки барандаи телевизони барномаи ”Биё, равем бихӯрем”  Федерико Арналди худ мутахассиси пухтани таомҳо мебошад. Инчуни аз Осорхонаи таърихии вилояти Суғд, боғи фарҳангию фароғатии ба номи Камоли Хуҷандӣ, шиносоӣ пайдо намуд.Тасмим гирифта шуд, ки  дар Хона-музейи Камоли Хуҷандӣ,  макони ҷойи барҳаво зери дарахтони бед, лаби ҳавз, болои кати миллӣ кушодани дастархон бо меваҷотҳои шакаррин, хушкмева, нони гарми фатирин бо чойи сабз, омода ва пухтани таомҳои хоси миллӣ, аз ҷумла ғӯраоб, самбӯсаи танӯрӣ ошпази итолиявӣ Федерико бо кӯмаки кадбонуҳои чобукдаст, таҳияи пахши мустақими  барномаи ”Биё,равем бихӯрем” ба навор гирифта шуд.

Мухтасар  аз таърихи саргузашти барандаи мумтози  барномаи “Биё,равем бихӯрем”, Федерико Арналди шабакаи телевизиони “НТВ”-и Русия  ёдовар шуд. Ӯ санаи 30 июли соли 1986 дар шаҳри Рим таваллуд ёфтааст. Федерико Арналди ошпази итолиявӣ, гитарнавоз ва барандаи телевизони Lets Go , Lets EaT  дар шабакаи телевизони НТВ фаъолият мебарад. Ситораи телевизион бо  7-забон модариаш итолиёвӣ, русӣ, фаронсавӣ, англисӣ, испанӣ, булгорӣ ва полякӣ озодона  муошират мекунад. Волидонаш дар соҳаи токпарварӣ  машғул буда,  бобояш чун сайёҳи ҷаҳонӣ маъруф будааст, ки наберааш  Федерикоро ба ин ҳаваси сайёҳи сироят кардааст. Вақте ки Федерико наврас шуд, бобояш вафот мекунад, ӯ аз талафоти бобояш бисёр ғамгин мешавад. Ба худ қарор медиҳад, ки чун бобояш сайёҳ шавад, ошпазиро пеша карда ба  донишгоҳи  олии шаҳри Рим дохил мешавад. Федерикои ҷавон дар баробари пухтупаз ба мусиқӣ таваҷҷуҳи ҷиддӣ дода, ба навохтани фортепиано,  най, гитара ва дигар асбобҳои мусиқӣ, мустақилона суруду оҳангҳо эҷод мекунад.Бисёртар барои омӯхтани забони русӣ мушкилие мекашид, машқ ва бо муоширати зинда, ки фарҳанги миллати кишвари Русияро дӯст медошт, забони русиро аз худ мекунад. Бори аввал ӯ ба шаҳри Москва сафар мекунад ва ошиқӣ ин шаҳр мегардад. Ин дар рӯзи иди Ғалаба 9-май рух медиҳад, ки дили Федерикоро ба ваҷҳ меоварад. Ҷавон тасмим  мегирад,  ки ба пойтахти Русия кӯч бандад ва ба зудӣ ҷойи худро пайдо кунад. Миллати итолиявӣ ва муҳаббати кишвари Русия ба ӯ имкон медиҳад, ки байни ду фарҳанг забонҳои муштарак пайдо кунад. Федерико Арналди дар якчанд лоиҳаҳои телевизиони Русия иштирок меварзад. Иттифоқан, соли 2018 дар доираи намоиши Малтсева ба тамошобинон, доир ба асрори пухтани таоми анъанавии итолиявӣ макарони” Болонез”-ро нақл мекунад, ки мухлисони зиёд пайдо мекунад. Сипас, соли 2019  Федерико  дар  барномаи “Биёед, издивоҷ кунем” (Давайте, поженимся) иштирок ва дӯстдоштаи худро пайдо мекунад. Пас аз як сол, ҳамчун коршинос дар лоиҳаи мусиқии “Биёед, якҷоя шавед” фаъолият мебарад. Моҳи ноябри соли 2019 Федерико барандаи  дувуми барномаи ошпазӣ ва таълимии “Биё, равем бихӯрем” мегардад. Дар ин чорчӯбаи барнома Ҷон Уоррении бритониёиро иваз мекунад ва аз соли 2012 пахши  намоиши барномаи телевизонӣ барои омӯзиши таомҳои миллати рус фаъолият мебарад. Дар моҳи июни соли 2020 пас аз ҳашт соли сафарҳои ҳаяҷонбахши гастрономӣ,ки беш аз 60 кишвари ҷаҳонро сафар кард ва аз 82 минтақаи кишвари Русия дидан намуда, Ҷон Уоррен вазифаи мизбониро ба Федерико месупорад. Акнун, маҳз ба Федерико лозим меояд, ки гӯшаҳои сайёраро аз худ кунад ва бо анъанаҳои халқҳои гуногуни ҷаҳон шиносоӣ пайдо кунад.”Дар чунин як шабакаи афсонавӣ барандаи як барномаи афсонавӣ шудан танҳо як орзу аст.Чунин гардиши бениҳоят дар ҳаёти ман дигар роҳи тасвир кардан нест. Кишвари фарҳанги Русия мисли ҳамеша маро ба ҳайрат меорад ва руҳи саховатманду сарватмандии худро нишон медиҳад. Пеш аз ҳама мехоҳам ба тамошобинон ва ба ҳамаи онҳое, ки ба ман бовар мекунанд, ташаккур мегӯям. Ва албатта, мехоҳам ба ҳамтои муҳтарам, Ҷон Уоррен ташаккур гӯям.Ташаккур ба ӯ барои илҳом ва гузоштани сатри ин қадар баланд барои ман ин як сабаби афзоиш буд. Дар пеш бисёр саргузаштҳои нав, эҳсосоти дурахшон кашфиётҳои лазиз, ки ман онҳоро бо хурсандии бузург ба тамошобинон нақл мекунам”-гуфт Федерико Арналди. Умедворем, ки имрӯз таомҳои миллии тоҷикон пухта шуда истодааст, албатта хуш меояд. Чунки ӯ бисёртар хӯрокҳои сабзавотиро афзалтар медонад, лек ҳама чизро ба қадри зарурӣ истеъмол мекунад. Барномаи “Биё,равем бихӯрем”- харитаи гастрономии ҷаҳон аст, ки дар он лаззатҳои дурахшони таомҳои миллии кишвар бо зарбаҳои васеъ ба кор бурда шуда истодаанд. Нигоҳе ба кишвари Русия ин консепсияи аслии лоиҳаи “Биёед,биёед хӯрок хӯрем” буд. Аммо дар тӯли солҳои мавҷудияташ масштаби географии барномаи ”Биё,равем бихӯрем” доманадор гардид, ки сарҳад надорад. Акнун барандаи Италияи офтобӣ дар талош аст, ки бояд руҳи миллати русро дарк кунад ва бо урфу одатҳои кишвари Русия, инчунин берун аз он шинос шавад. Шояд, маҳз кишвари Тоҷикистони офтобрӯяи меҳмоннавозро интихоб карда бошад. Дар сафарҳои худ Федерико Арналди бо намояндагони касбҳои ғайриоддӣ, халқҳои хурд, ворисони ҳунарҳои қадимӣ ва дар гӯшаҳои ғайричашмдошти сайёра шиносоӣ пайдо кардааст. Албатта, таомҳои миллиро меомӯзад, алалхусус таомҳои миллии халқи тоҷикро ва беҳтарин таомҳои миллиро тайёр мекунад, ки  хело маззаи хуш дорад. Охир  вай маҳсулот, таом ва муносибат ба таом дар бораи ҳаёти халқ, расму оин, маданият, фарҳанг ва таърихи тамоми кишварро фасеҳтар нақл карда метавонад.Чунки барномаи таълимии кулинарии “Биё,равем бихӯрем”  экспедитсияи шавқовар ва лазиз дар тамоми ҷаҳон машҳур гардидааст. Асосан қаҳрамонони барномаи лоиҳаи мазкур сокинони шаҳру деҳот,шикорчиёну моҳидорон, геологҳо  ва дигар намояндагони миллатҳои гуногун мебошанд. Ҳар яки онҳо дастурҳои худро барои хӯрокҳои болаззат ва солим доранд ба тамошобинони барномаи”Биё, равем бихӯрем”-и телевизиони шабакаи “НТВ” пешкаш мекунанд.Мақсади асосии барномаи “Биё,равем бихӯрем” шиносоӣ бо фарҳангу маданияти кишварҳои мухталифи ҷаҳон ва сайёҳати ошпазӣ ба шумор меравад. Дар ин раванди маҳорати ошпазии итолиявӣ Федерико мардуми Хуҷандшаҳр бо завқи баланд  дар якҷоягӣ ба мухлисони барнома ва тамошобинон  мегӯянд,”Биё,равем бихӯрем”.

 Ҳоҷӣ Валӣ Набизод-маркази иттилоотии

 МД МФТ “Қалъаи Хуҷанд”