Файзи наврӯзӣ

User Rating:  / 1

Бо мақсади ободу зебо намудани Боғи фарҳангию фароғатии ба номи Камоли Хуҷандии Муассисаи давлатии “Маҷмааи фарҳангию таърихии “Қалъаи Хуҷанд”, дар сатҳи баланд ҷашн гирифтани иди Наврӯз, тариқи ҳашар навсозӣ мешавад.

Бояд гуфт, ки ба пешвози  таҷлили иди Наврӯз, аз ҷониби сохтмончиёни касбии ширкати ҶДММ ”Қасри  замон” шифти даромадгоҳи  боғи фарҳангӣ  ва сафолакҳои фарсудашудаи роҳравҳо, қисман-қисман аз таъсири табиат осеб дида буданд, иваз карда шуданд. Инчунин, рангубор намудани қуббаҳои панҷараи иҳотавӣ, фаввораҳо, тариқи ҳашар аз тарафи кормандон ба иҷро расонида шуд. Дигаре бошад, омодаги барои пухтупази суманаки наврӯзӣ бомаром ба роҳ монда шудааст.

Ба истиқболи ин ҷашни Наврӯз шинонидани гулҳои рангоранг, дарахтони ҳамешасабз дар шафати боғи истироҳатӣ идома дорад. Шоёни зикр аст, ки дар боғи истироҳатӣ ҳар гуна дилхушиҳо ва бозию сайрҳои мардуми баргузор мегардад, ки бо файзи наврӯзӣ ба иди меҳнат, иди оғози некӣ ва тарабу нишот табдил хоҳад  ёфт.                        

Ҳоҷӣ Валӣ Набизод - Маркази иттилоот.