Ҳифзи ҳуқуқи меҳнат

User Rating:  / 1

Дирӯз, аз ҷониби Шӯрои иттифоқҳои касабаи вилояти Суғд, бахшида ба “Соли ҳифзи меҳнат”, дар толори меҳмонхонаи ”Суғдиён”-и шаҳри Хуҷанд, конфронсияи вилоятӣ, таҳти унвони ”Бехатарӣ ва ҳифзи меҳнат ­- асоси рушди устувори иқтисодиёт”  бо иштироки мутахассисони ҳифзи меҳнатӣ соҳаҳои мухталиф баргузор гардид.

Ҳамзамон, дар ин конфронсияи вилоятӣ аз Муассисаи давлатии “Маҷмааи фарҳангию таърихии “Қалъаи Хуҷанд”, мутахассиси пешбарандаи ҳифзи меҳнат ва бехатарӣ Муйдинова Зебо иштирок намуд. Дар конфронсияи мазкур, мутахассисони раёсати хадамоти назорати  давлатӣ  дар соҳаи меҳнат ба масъалаҳои меъёрҳои бехатарӣ, риояи стандартҳои меҳнат, усулҳои бехатарии меҳнат, тартиби дастурдиҳӣ ба кормандон, дастури муқаддимавӣ, ибтидоӣ дар ҷойи кор, пешгирии ҳодисаҳои нохуш, оид ба танзими муносибатҳои меҳнатӣ тавассути шартномаҳои коллективӣ ва меҳнатӣ ибрози назар карда шуд.

Гуфтан ҷоиз аст, ки аъзоёни иттифоқи касабаи соҳавӣ барои таъмини ҳаёти арзанда ва ҳамчун ҳомии ҳуқуқ ба манфиатҳои меҳнатию иҷтимоии кормандон заҳмат мекашанд, аз номи кулли муассиса арзу сипос менамоем.

 Ҳоҷӣ Валӣ Набизод - Маркази иттилоот.