Китоби “Адибони вилояти Суғд”

User Rating:  / 1

Китоби “Адибони вилояти Суғд” зиндагиномаи адибони сокини вилоятро аз устод Раҳим Ҷалил то ба онҳое, ки то моҳи майи соли 2013 ба узвияти Иттифоқи нависандагони Тоҷикистон пазируфта шудаанд, дар бар мегирад. Аммо ин баёзро чун арзи эҳтиром ва арҷгузорӣ аз бунёдгузорони Иттифоқи нависандагони Тоҷикистон Қаҳрамонони Тоҷикистон устод Садриддин Айнӣ ва устод Мирзо Турсунзода оғоз намудем. Ҳамзамон ҳолномаи адибони вилояти Суғд-шоиру нависандагон ва олимоне, ки ҳанӯз ба узвияти Иттифоқи нависандаги Тоҷикистон пазируфта нашудаанд, дар ин баёз ҷой дода шудааст. Китоб аз 340 саҳифа иборат буда, аз тарафи мураттибон Маъруф Бобоҷон ва Ният Ҳаёт омода шудааст.  Китоби мазкур дар китобхонаи илмии Муассисаи давлатии “Маҷмааи фарҳангию таърихии Қалъаи Хуҷанд” мавҷуд буда, хонандагону донишҷӯён, устодон ва кормандони илмӣ метавонанд истифода аз он баранд.

Монат Баротова – Китобдори калон