Аҳодис-ул-аъмол

User Rating:  / 1

Маълум аст, ки дар давраҳои пеш барои тарбияи фарзандон ва дарс омӯзонидани онон бисёре аз волидайну устодон аз китобҳои ахлоқиву динӣ, ки вобаста дар ин мавзӯъ бахшида шудааст истифода мебурданд. Дар ҳар хонавода ҳадди ақал 1-2 адад аз ин китобҳои тарбиявӣ мавҷуд буд.  

Дар ин росто ин навбат хостам дар бораи китоби “Аҳодис-ул-аъмол”, ки дар муассисаи мо харидорӣ шудааст каме маълумот диҳам.

Китоби “Аҳодис-ул-аъмол” тарҷумаи «1001 ҳадис»-и шариф  аз Саҳеҳи Бухорӣ ва сиҳоҳи ситта буда, бо забони туркӣ аз тарафи Ибодуллоҳ Муҳаммад Салимбек ибни Муҳаммад Раҳимбеки Бухороӣ, ки соли 1328/1910, аввали асри XX китобат шудааст, мебошад. Мулло Султон ибни Мулло Собири Бухороӣ нусхаи мазкурро тарҷума намуда «Аҳодису-л-аъмол» ном ниҳода. Чуноне, ки аз унвони китоб маълум аст, меҳвари асосии асар шарҳу тафсири аҳодиси набавӣ (с) мебошад. Нусха аз 144 саҳифа иборат буда, афтодагию фарсудагӣ надорад. Андозаи китоб 16Х27 мебошад ва дар ҳар саҳифа 21 сатрӣ навишта шудааст. Муқоваи китоб бо ранги кабуди паст, туранҷу сартуранҷ ва ҷадвалкашии махсус ороиш ёфтааст. Нусха соли 1329/1911 аз нашр баромада аст.

Даврон Исобоев – мудири шуъбаи дастхатҳо