Тозагӣ аз имон аст

User Rating:  / 1

Ба муносибати истиқболи ҷашни 30-солагии Иҷлосияи XVI Шӯрои Олии Ҷумҳурии Тоҷикистон, ҳамарӯза тозаву озода нигоҳ доштани муҳити зист дар Муассисаи давлатии “Маҷмааи фарҳангию таърихии Қалъаи Хуҷанд” бо маром идома дорад. Дар ин раванд, имрӯз дар ҳудуди Боғи фарҳангию истироҳатии ба номи Камоли Хуҷандӣ аз ҷониби кормандон, дастаҷамъона тоза намудани хиёбонҳои гулгашт, буттаҳои ороишӣ аз хасу хошокҳою баргҳои хазонрез ва алафҳои бегона тоза карда шуд, ки мавзеъи истироҳатиро боз ҳусни тоза  бахшид. Бояд ҳамеша муҳити зистро тоза нигоҳ дошт, чунки тозагӣ аз имон аст. Гуфтан ба маврид аст, ки тантанаҳои идона бахшида ба муносибати 30 - солагии Иҷлосияи XVI Шӯрои Олии Ҷумҳурии Тоҷикистон дар кишвари азизамон идома дорад, ба ин хотир меҳмонони дохиливу хориҷӣ аз Боғи фарҳангию истироҳатии ба номи Камоли Хуҷандӣ дидан мекунанд. Аз ин лиҳоз, кормандони муассиса новобаста аз фасли мавсими сол, ҳамеша тозаву озода нигоҳ доштани муҳити зист кушиш ба харҷ медиҳанд.

Ҳоҷӣ Валӣ Набизод - Маркази иттилоот.