Машварати судманд

User Rating:  / 1

Дирӯз дар Муассисаи давлатии Маҷмааи фарҳангию таърихии “Қалъаи Хуҷанд“, оид ба татбиқи иҷрои  Қонуни Ҷумҳурии Тоҷикистон“ дар бораи забони давлатии Ҷумҳурии Тоҷикистон“, маърӯза  дар мавзуи “Назаре ба қоидаҳои имлои забони тоҷикӣ” бо иштироки Карим Шариф намояндаи Мақомоти иҷроияи ҳокимияти давлатии вилояти Суғд, мушовири Раиси вилояти Суғд, котиби масъули иттифоқи журналистони вилоят, Карим Шариф оид ба расонидани ёрии амалӣ ва додани тавсияҳои методӣ ба кормандони муассисаи мазкур вохурӣ баргузор гардид.  

 Дар баромади худ Карим Шариф иброз намуд, ки дар қоидаҳои имлои нави забони тоҷикӣ ва аломатҳои китобати забони тоҷикӣ, 119 адад тағйиротҳои имло ба тавсиб расиданд. Бояд гуфт, ки дар раванди навиштани ному насаби шахс , бояд номаш пурра бо ҳарфи калон навишта шавад. Агар мо дар ҷомеа бештар ба қоидаҳои нави имлои забони тоҷикӣ  эътибори ҷиддӣ диҳем, дар навишт ва хондан ба хатогӣ роҳ намедиҳем.      

Инчунин,  тарзи истифодабарии ҳарфи калон, аз сатр ба сатр кӯчонидани калимаҳо, талаффузи ҳарф, якҷоя  ва ё бо дефис  дуруст навиштанро шарҳ дод.

Дар фарҷоми машварати судманд, кормандони муассиса  фикру андешаҳои худро иброз намуда, оид ба қоидаҳои имлои нави забони тоҷикӣ маълумоти мушаххас гирифтанд.

Ҳоҷӣ Валӣ Набизод-Маркази иттилоот.