Тадж. Рус.
ТОҶИКӢ РУСӢ
Тадж. Рус.
/ 1
Дар доираи сафари кории худ ба вилояти Суғд Сафири Фавқуллодда ва Мухтори Ҷумҳурии Корея ҷаноби Квон Донг Сок ва ҳайати ҳамроҳонаш аз Осорхона таърихии вилояти Суғд боздид намуданд. Меҳмононро Омири кулли Муассисаи Давлатии “Маҷмааи фарҳангию – таърихии “Қалъаи Хуҷанд” Иброҳимов И.С. қабул намуданд ва аз ҷониби роҳбалад Мирзоева И. сайри илмӣ гузаронида шуд. Меҳмонон бо толорҳои намоишии Осорхонаи таърихии вилояти Суғд шинос шуда, аз таъриху фарҳанги куҳани тоҷикон аз наздик огоҳӣ пайдо намуданд. Инчунин, аз тарафи ҷаноби Квон ҳамчун рамзи хотира глобус (кураи замин) ба Омири кулли Муассиса тақдим гардид.
Ҳамчунин, ба Китоби мулоҳизоти меҳмонони фахрӣ таассуроти худро ба таври зайл нигоштанд:
“Ман ҳамчун аввалин сафири Корея дар Ҷумҳурии Тоҷикистон, аз Осорхонаи таърихии вилояти Суғд боздид намудам ва аз ин бисёр ифтихормандам. Тоҷикистон, ки таърихи дуру дароз дорад, ҳамчун намоянда аз Ҷумҳурии Мухтори Корея хоҳони онам, ки Тоҷикистон аз ин ҳам рушду тараққӣ кунад”.
Сафири Фавқулода ва Мухтори Ҷумҳурии Корея Квон Донг Сок.
Ҳадаф аз сафар ба вилояти Суғд ва боздид аз муассисаҳои таърихиву фарҳангӣ ин таҳкими равобити дуҷониба, баррасии имконоти мавҷуда ҷиҳати густариши робитаҳо, мубодилаи афкор ва огоҳии комил аз таъриху фарҳанги куҳани тоҷикон
Сайфиева Шарифа – роҳбалад
