Тадж. Рус.
ТОҶИКӢ РУСӢ
Тадж. Рус.
/ 1
Ваҳдати миллӣ барои тоҷикону тоҷикистониён рӯзи муқаддас ва санаи таърихиву сарнавиштсози баҳамоиву оштии миллӣ, сулҳу суботи комил ба шумор рафта, асоси рушди соҳаи хоҷагии халқи кишварро дар таърихи навини давлати соҳибистиқлоламон таҷассум мекунад. Тӯли 30 соли соҳибистиқлолӣ кишвари азизамон ба ваҳдати сиёсӣ, маънавӣ ва иқтисодӣ расид, ки ин дастовард содаву осон набуда, дар ин роҳ талошу заҳматҳои бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шоёни таҳсину ифтихор аст. Баъди ба даст омадани Ваҳдати миллӣ пешрафту тараққиёти Тоҷикистон давраи тамоман навро оғоз кард. Ислоҳоти ҷиддии иқтисодие, ки давлат ва ҳукумат дар давраи Истиқлолияти миллии Тоҷикистон пеш гирифтанд, маҳз дар вазъияти сулҳу осоиш ва фазои ҳамдигарфаҳмии халқи тоҷик ҷомаи амал пӯшид.
Мо имрӯзҳо дар арафаи 25-солагии Ваҳдати миллӣ қарор дорем ва тамоми сокинони хушбахти кишварро ба ин рӯзи фархунда самимона таҳният мегӯем ва бигзор Ваҳдати мо садсолаҳо идома ёбад ва як таҷрибаи хуб барои сайёраи мо бошад.
Ваҳдати миллӣ муборак ҳамдиёрони азиз!
Бо эҳтиром маъмурияти МД МФТ “Қалъаи Хуҷанд”
