Сайри тамошо аз макони таърихӣ

Рейтинг:   / 1

 Санаи 27- 30 -уми августи соли 2025 бо сафари расмӣ ҳайати намояндагони ҶС “Уралгидромаш” –и Федератсияи Русия, мушовири раиси комитет  Виргунов Руслан Игоревич ва мудири шуъбаи таҷҳизоти умумии саноат Березин Игор Викторович ба вилояти Суғд, шаҳри Хуҷанд ташриф фармуданд.

Дар доираи ҳошияи сафари корӣ ҳайати гуруҳи меҳмонон ва дигар шахсони масъул ҳамроҳӣ намуда , шоми санаи 28- уми соли равон аз макони таърихию фарҳангии Осорхонаи таърихии вилояти Суғд ва Қалъаи таърихии Хуҷанди МД МФТ “Қалъаи Хуҷанд” боздид ба амал оварданд.

Дар даромадгоҳи осорхонаи таърихӣ , шахсан Омири кулли муассисаи мазкур Иброҳим Иброҳимов пешвоз ва хайру мақдам намуд.

Роҳбалади муассисаи мазкур- Алишери Меҳринисо меҳмононро аз толорҳои намоишии осорхонаи таърихӣ, ки ба макони илму фарҳанг мубаддал гаштааст ва бинандаро бо ороишу зебогияш  мафтун ва ҷамъоварии ашёҳои гуногуни давраҳои қадими зиндагӣ , эҷодиёти миллати точиконро инъикос менамояд, ошно  намуд.

Дар идомабахши сайри тамошо аз толорҳои намоишии қалъаи таърихӣ идома ёфта, бо санъати тамаддуни халқи тоҷик ба монанди кундалкорӣ, наққошӣ, коркарди чӯб ва амсоли онҳо , ки анъанаҳои қадимаро дар бар мегирад аз наздик шинос шуда,ба санъати волои ҳунари ҳунармандони мардумӣ  баҳои баланд доданд.

Воқеан, меҳмонон баъди дидани чунин макони таърихӣ, ки бисёр муҳим ва зарур буд, ба худ як ғизои маънавӣ бардошт намуданд.  Дар интиҳои боздид аз макони таърихӣ ба роҳбарияти муассисаи мазкур аз ҷониби ҳайати меҳмонон, барои чунин иқдоми некӣ меҳмоннавозӣ изҳори арзу сипос баён намуданд.

Валӣ Набизод – котиби иттилоотии
МД МФТ “Қалъаи Хуҷанд”