МАҶМААИ ФАРҲАНГИЮ ТАЪРИХИИ «ҚАЛЪАИ ХУҶАНД»

ГУЛҲОИ ОРОИШИИ ФАСЛИ САРМО

Рейтинг:   / 0

Подробности

Создано 16.11.2015 14:04

Просмотров: 2592

Боғи Камоли Хуҷандӣ пас аз бо тарҳи нав барқарор гардиданаш муддати се мавсим аст, ки дари худро барои истироҳаткунандагон во кардааст. Бештар аз 55-70%-и масоҳати ин макон гулзору сабзапӯш буда, боқимонда пайроҳаю майдончаҳои сайр аст.

Барои дар фасли зимистон низ таровати худро гум накардани боғ гулҳои ба мавсими сармо тобовар шинонида истодаанд. Теъдоди бештари онҳоро гулкарамҳо ташкил медиҳанд, ки онҳо се навъанд. Дар боғи Камоли Хуҷандӣ асосан ду навъи гулкарамҳо: гибрити сурх ва гибрити сафед парвариш ёфта истодаанд.

Гулҳо аз гармхонаи ба номи «Баҳористон» бо маблағгузории Мақомоти иҷроияи ҳокимияти давлатии вилояти Суғд харидорӣ гардидааст. Мутобиқи гуфтаи  директори боғи Камоли Хуҷандӣ А.Шодибеков ҳоло дар ҳудуди маҷмаа зиёда аз 30 000 бех гулкарамҳо дар нашъунамоянд ва боғбонон ният доранд шумораи гулҳои ороишии зимистонаро ба 50 000 бех расонанд.