Маҷмӯаи “Ахбори Осорхонаи таърихии вилояти Суғд” нашрияи илмӣ, маърифатӣ-фарҳангӣ буда, ҳамасола аз соли 2016 баъд аз ҷашнгирии 90-солагии Осорхонаи вилоятамон нашр мегардад.
Маҷмӯа барои муҳаққиқону ҳаводорони таърих, дӯстдорони мероси қадимаву кори осорхона, фарҳангшиносон, осорхонашиносон, донишҷӯёни муассисаҳои миёнаи махсус ва олӣ пешниҳод гардида, маҷмӯаи мақолаҳо оид ба масоили марбут ба фарҳангу таърихи тамаддуни миллати тоҷик бахшида мешавад.
Бояд тазаккур дод, ки аввалин маҷмӯа соли 1964 нашр гардида буд.
Ахбори мазкур бо қарори Шӯрои илмии Осорхонаи таърихии Муассисаи давлатии “Маҷмааи фарҳангию таърихии “Қалъаи Хуҷанд” чоп мешавад.
Нашри навбатии “Ахбори Осорхонаи таърихии вилояти Суғд” бо мақолаҳои 3 нафар докторони илм, 4 нафар номзадҳои илм, таърихшиносон, осорхонашиносон, устодону унвонҷӯёни Донишгоҳҳои олӣ, кормандон ва муҳаққиқони Осорхонаи миллии Тоҷикистон ва Осорхонаи таърихии вилояти Суғд ба чоп омода шудааст.